မြန်မာပြည်နှင့် ပတ်သက်၍ နိုင်ငံတကာ၏ တုံ့ပြန်မှုများကို RICE သုတေသနအဖွဲ့က လေ့လာစောင့် ကြည့်လျက် ရှိပါသည်။ ယခုအောက်တိုဘာလအတွင်း ဆင်ခြင်သတိထားစရာ အကြောင်းအရာ(၃)ခုကို တင်ပြထားပါသည်။ ပထမတစ်ခုတွင် မြန်မာ့နိုင်ငံရေးထဲ တရုတ်၏ ဝင်ရောက်စွက်ဖက်မှုများလာသည့် အကြောင်းကို ကနဦးဖတ်ရှုရမည်။ ထို့နောက် မထူးခြားသော အာဆီယံဆွေးနွေးပွဲနှင့် ထိုင်းနိုင်ငံ၏ ပြောဆိုမှုများကိုလည်း ရေးသာထားသည်။
ရုပ်သံကြည့်ရှုရန် >>>
မြန်မာနိုင်ငံတွင် ဒီမိုကရေစီအသွင်ကူးပြောင်းရေးနှင့်အတူ ဖက်ဒရယ်အသံလည်း ဆူညံနေသည်။ ယခုတပတ်တွင် “ပြည်နယ်အားကောင်းရေးမှ ပြည်ထောင်စုအားကောင်းရေး (Bottom-up Federalism) ချဉ်းကပ်မှုဖြင့် EROs (၃) ဖွဲ့၊ ပြည်နယ်/လူမျိုး ကိုယ်စားပြုကောင်စီ (၅) ခုနှင့် အမျိုးသမီးများအဖွဲ့ချုပ် (WLB) တို့အကြား ဖက်ဒရယ်ဘုံသဘောထားတူညီချက်များ ရရှိထားသည့်အကြောင်းကို ကနဦးပြောပြထားသည်။ လက်ရှိဖက်ဒရယ်အရေးနှင့် ပတ်သက်၍ ကရင်နီပြည်ကို စံပြုစရာနမူနာကောင်း ဖြစ်သည့်အကြောင်း ပါဝင်ပြီး ကရင်နီကဲ့သို့ မွန်ပြည်ဖက်ဒရယ်ယူနစ်တရပ် ဖြစ်ထွန်းပေါ်ပေါက်လာရန် မွန်ရဟန်းရှင်ပြည်သူအပေါင်းတို့ တော်လှန်ရေးအင်အားစုတို့နှင့်အတူ ပူးပေါင်းပါဝင်ရမည့်အကြောင်း ရေးသားထားသည်။
ရုပ်သံကြည့်ရှုရန် >>>
၂၀၂၅ အတွင်း ရွေးကောက်ပွဲပြုလုပ်ရန် စီစဉ်ထားသော စစ်ကောင်စီက သန်းခေါင်စာရင်းကောက် ယူခြင်းလုပ်ငန်းကို ပြုလုပ်နေပါသည်။ စကစ၏ အကြံတစ်ခုဖြစ်သော နိုင်ငံရေးထွက်ပေါက် ရရှိရေးအတွက် ၎င်းတို့ကိုယ်တိုင် အကြမ်းဖက်အဖွဲ့အဖြစ် ကြေညာထားသော တော်လှန်ရေးအဖွဲ့အစည်းများကို နိုင်ငံရေးအရ တွေ့ဆုံဖြေရှင်းရန် ထူးထူးခြားခြား စတင်ကမ်းလှမ်းလာသည်။ ဤအခြေအနေနှင့် ပတ်သက်၍ မွန်ပြည်ရှိ စစ်ရေး/နိုင်ငံရေးအဖွဲ့အစည်းတို့က မည်သို့မည်ပုံ တုံ့ပြန်ထားပါသနည်း။ အဆိုပါတုံ့ပြန်ချက်များနှင့်အတူ မွန်နိုင်ငံရေးသုံးသပ်ချက်အချို့ကို ဤစာတမ်းတွင် ဖတ်ရှုရပေမည်။
ရုပ်သံကြည့်ရှုရန် >>>
ရာမညအင်စတီကျူနိုင်ငံရေးသုတေသနဌာန RICE သည် ဂျိုင်းမြစ်ဒေသနှင့် မွန်ပြည်အတွင်းရှိ ပြည်သူများခံစားနေရသည့် စစ်ဘေးဒုက္ခဆိုင်ရာ အချက်အလက်များကို မှတ်တမ်းတင်ပြုစုရန်၊ သက်ဆိုင်ရာ ပြည်တွင်းပြည်ပ နိုင်ငံတကာအဖွဲ့အစည်းများမှ ဓမ္မသရွာနှင့် ဂျိုင်းမြစ်ဒေသဖြစ်စဉ်ကို ပိုမိုသိရှိပြီး လူသားချင်းစာနာထောက်ထားမှု အကူအညီများ ပိုမိုရရှိစေရန်နှင့် ရုပ်ပိုင်းသာမက စိတ်ပိုင်းဆိုင်ရာ ပျက်စီးဆုံးရှုံးသွားသည့် ဒေသခံပြည်သူများ၏ ရေရှည်ဘဝ ရပ်တည်ရေးအတွက် ပြန်လည်ထူထောင်ရေး လုပ်ပြုနိုင်ရန် ရည်ရွယ်ချက်ဖြင့် ၂၀၂၄ခုနှစ် ဇန်နဝါရီလမှ ဇွန်လအတွင်း “ဓမ္မသရွာ၊ ဂျိုင်းမြစ်ဒေသနှင့် စကစ၏ စစ်ဆိုးမွေများ” အမည်ဖြင့် အစီရင်ခံစာတစ်စောင်ရေးသား ပြုစုခဲ့သည်။
ဓမ္မသရွာ၊ ဂျိုင်းမြစ်ဒေသနှင့် စကစ၏ စစ်ဆိုးမွေ အစီရင်ခံစာသည် မွန်ပြည်တလွှားက နိုင်ငံရေး၊ စစ်ရေးအခြေအနေများနှင့် ဂျိုင်းမြစ်ဒေသတလျှောက်ရှိ ဒေသခံပြည်သူများ၏ စစ်ဘေးအတိဒုက္ခ အခြေအနေများအား အဓိကထား လေ့လာထားခြင်း ဖြစ်ပါသည်။
အစီရင်ခံစာတွင် အခန်း(၇)ခန်း ပါဝင်ပြီး အစီရင်ခံစာအကျဉ်းနှင့် သုတေသနနည်းနာ၊ ၂၀၂၁ ခုနှစ် စစ်အာဏာသိမ်းပြီးနောက် မွန်ပြည်အတွင်း နိုင်ငံရေးနှင့် ပဋိပက္ခအခြေအနေ၊ ပဋိပက္ခကြောင့် ဂျိုင်းမြစ်ဒေသတလျှောက်ရှိ ထိခိုက်ပျက်စီးမှုများနှင့် ဒေသခံပြည်သူများ၏ စစ်ဆိုးကျိုးများ ခံရသည့် အခြေအနေ၊ စစ်ဘေးရှောင်များ အခြေအနေ၊ စစ်ဘေးရှောင်ပြည်သူများ နေရပ်ပြန်နိုင်ရေးနှင့် ပြန်လည်ထူထောင်ရေးအခြေအနေများကို မှတ်တမ်းတင်ပြုစုထားသည်။
ထို့အပြင် အစီရင်ခံစာတွင် စစ်ဘေးရှောင်ပြည်သူများအတွက် ကယ်ဆယ်ရေးနှင့် ပြန်လည် ထူထောင်ရေးအပေါ် အကြုံပြုတိုက်တွန်းချက်များ ပါဝင်ပြီး ကမ္ဘာ့ကုလသမဂ္ဂနှင့် နိုင်ငံတကာအသိုင်း အဝိုင်းသို့အကြံပြုချက်များ၊ တိုင်းရင်းသား လက်နက်ကိုင်အဖွဲ့အစည်း EROs နှင့် တော်လှန်ရေး အင်အားစုများသို့ အကြံပြုချက်များ၊ လူထုအခြေပြုအဖွဲ့အစည်း (CSOs)နှင့် ရပ်ရွာ အခြေပြုအဖွဲ့အစည်း (CBO)များသို့ အကြံပြုချက်များနှင့် ပြည်သူလူထုများသို့ အကြံပြု တိုက်တွန်းချက်များ ပါဝင်သည်။