မင်းအောင်လှိုင်ကို မျက်နှာသာပေးခြင်းနှင့် တရုတ်၏ ‘ ရေစတဖက် မီးမှုတ်တဖက် ’ ဗျူဟာကို ပေါ်ပေါ်တင်တင် ထုတ်သုံးလာပြီဟု ဆိုနိုင်သည်။ မြန်မာပြည်နှင့် ပတ်သက်၍ နိုင်ငံတကာ၏ တုံ့ပြန်မှုများကို RICE သုတေသနအဖွဲ့က လေ့လာစောင့် ကြည့်လျက် ရှိပါသည်။ ၂၀၂၄ ခုနှစ်၊ နိုဝင်ဘာလဆန်းပိုင်း၌ ဗိုလ်ချုပ်မှူးကြီး မင်းအောင်လှိုင်၏ ယူနန်ပြည်နယ်မှ ပြန်လာသော တရုတ်ခရီးစဉ်၏ ထူးခြားချက်ကို ကနဦး တင်ပြထားသည်။ ထို့နောက် အမေရိကန်သမ္မတအပြောင်းအလဲနှင့် မြန်မာ့အရေးအပေါ် မျှော်လင့်ချက် တစုံတရာ ရှိမည်လော။ နောက်ဆုံးအပိုင်းတွင် ဝါရင့်သတင်းစာဆရာ ဦးကျော်ဇံသာ၏ သုံးသပ်ချက်ကို ဖတ်ရှုရပေမည်။