Posted in(ဘာသာမန်)
မူဝါဒ ပေါဲရုဲမာဲ ဗော်ညဳသၟဟ်မန် ကေုာံ ပရေင်လညာတ်တၞဟ်ခြာ
AUDIO PODCAST: 
မူဝါဒ ပေါဲရုဲမာဲ ဗော်ညဳသၟဟ်မန် ကေုာံ ပရေင်လညာတ်တၞဟ်ခြာ
နိဒါန်
ပေါဲရုဲမာဲတၠအဝဵုပၞာန်တအ် မကၠောန်ဗဒှ်ဂှ် ခြာဟွံလအ်ဏံ ကၠောန်ဗဒှ်အာနွံတုဲ အပဍဲဂှ် ဗော်ညဳသၟဟ်မန်လေဝ် ဒုင်ရုဲအာကီုရောင်။ စၟတ်တ္ၚဲ (၂၀) တုဲကၠုင်တေံဂှ် ဗော်ညဳသၟဟ်မန်တံ သောင်ကလးဟီုတွံ ပရူပရာမူဝါဒရုဲမာဲဗော်ညးတံ ကေုာံတၚ်ဒတူဒလိုၚ်ဗော်ညးတံ နူဌာန်ပရိုၚ်ရုပ်ဒမျိုၚ်ကၟိန်ဍုၚ် (မြန်မာ့ရုပ်မြင်သံကြား)တုဲ ပ္ဍဲမုခ်လိခ်ဗော်တအ်ဂှ်လေဝ် ကလေင်ထမံက်ထ္ၜးလဝ်နွံရ။ပ္ဍဲ တမ်လိခ်သ္ၚဳဂၠိပ်ဏအ်မ္ဂး သ္ပပဓာန် ကုမူဝါဒ ဗော်ညဳသၟဟ်မန်တုဲ သ္ၚဳဂၠိပ်အာရောင်။ပဲါနူဂှ်ပၠန် ပရေင်ဒတူလိုင် ဂကောမ်ရပ်လွဟ်မန်တအ် မဒစဵုဒစးမံင် ကုပေါဲရုဲမာဲ အလဵုသဳပၞာန် မကၠောန်ဗဒှ်တအ်ဂှ်လေဝ် သ္ၚဳဂၠိပ်အာရောင်။
