ၜတ်ကၞာတ်သ္ၚဳဂၠိပ် ပရေင်ဍုင်မန်၊ ဂကောံပၠတရဴ ပိက္ဍိုပ်ဖဴ

၂၀၂၆ ဒကုတ်လက်ကရဴဏံဝွံ ရမျာင်စင်ပေါဲ ပရေင်ဍုင်ကွာန်ပ္ဍဲတေံ ဗြုထတ်တိုန်ဒၟံင် သိုက်က်ကီုလေဝ် ရမျာင်ဝှဝ်ရာမ်ပၠန်ဂတးမန်တအ် က္ညင်ကမြေဲလဝ် သွက်ဂွံချူဓဇက်ချာတာ ပဋိညာဥ်ပၠန်ဂတးဍုင်မန် (Mon State Revolutionary Charter) ဂှ် အေဲကှ်သ္ၚိတ်ဇြဒၟံင်။ ညးဍုင်ကွာန်ဂကူမန်တအ် စၟဳမံင်ရောင်။ ဂိတုသာပ်တေမ်ၝာတုဲကၠုင်ဂှ် အကာဲအရာ ပရေင်ဍုင်ကွာန်မန်ဝွံ ဗော်ဍုင်မန်တၟိ (NMSP) တက်ကျာသဳကၠဳပရေင်ၜိုဟ်လလံ၊ ဗော်ညဳသၟဟ်မန် (MUP) ရေင်တၠုင်မံင် ပရေင်ဍုင်ကွာန်ဗွိုင်သၞောဝ် ကေုာံ အကာဲအရာ ပရေင်ပံင်တောဲ အကြာဇြဟတ်ပၠန်ဂတးမန်တအ်ဂှ် စွံအရီုဇြိုဟ်ဟ်နက်က်တုဲ လ္ၚတ်စင်ခြင်လဝ်ရ။ လိက်သ္ၚဳဂၠိပ်ဏံဝွံ ပရေင်ဆက်ဆောံအကြာ ဗော်ဍုင်မန်တၟိ ကု ကမ္မတဳပ္ညဳပ္ညပ် ဖန်ဗဒှ်ပရေင်ၜိုဟ်လလံ ကေုာံ ပရေင်ညဳသၟဟ်ကောန်ဂကူ (NSPNC)၊ အမာတ် MUP တအ် စှ်ေဆဵုဂ္ဗလဝ် ညးဍုင်ကွာန် ဒေသတ္ကအ်ခၟိုင်၊ နာဲတၠညဳ ပါလုပ်အခန်ပရေင်ၜိုဟ်လလံ၊ မွဲလပါ်ဂှ် ဂကောံ/ဗော်/ကံင်ဇြဳ သ္ပစၞးဍုင်မန်တအ် ချူဓဇက်ဒၟံင်ချာတာဂှ် စိုပ်မံင်အဆံင်လဵုဟွံတီတုဲ မုဟိုတ်ဂွံသ္ၚိတ်ဇြဒၟံင်ဂှ်လေဝ် ပါ်ပါဲလဝ်နွံရ။