နိဒါန်း
စစ်အုပ်စုဘက် သံသမန်ရေးအရ အားသာမှုရရှိပြီး တော်လှန်ရေးအကျဘက်သို့ ဦးတည်နေသည်ဟု အများက ပြောဆိုသုံးသပ်နေချိန်၊ ရာမညမွန်တပ်တော်(RMA)က မြန်မာပြည်တောင်ပိုင်းတွင် ပိုမိုလက်စွမ်းပြလာသည်။ RICE ၏ စစ်ရေးသုတေသီများက မြန်မာပြည် တောင်ပိုင်းရှိ စစ်ရေးပဋိပက္ခ အခြေအနေများကို မျက်ခြေမပြတ် စောင့်ကြည့်လေ့လာလျက် ရှိပါသည်။ ထိုတွေ့ရှိချက်များအပေါ် အခြေခံ၍ မြန်မာပြည်တောင်ပိုင်းရှိ မွန်ပြည်နယ်နှင့်ဆက်စပ်ဒေသ စုစုပေါင်း (၁၄) မြို့နယ်၌ အောက်တိုဘာလအတွင်း ဖြစ်ပွားခဲ့သော တိုက်ပွဲဆိုင်ရာ အချက်အလက်များနှင့် အရပ်သားပြည်သူတို့ ၏ ထိခိုက်သေဆုံးမှု အခြေအနေများကို နက်ရှိုင်းစွာ သုံးသပ်တင်ပြသွားမည်။
