မြန်မာ့အရေးအပေါ် တရုတ်နှင့် ထိုင်းနိုင်ငံတို့၏ တုံ့ပြန်မှုနှိုင်းယှဉ်ချက်

ပြီးခဲ့သည့် ရှမ်းပြည်နယ် မြောက်ပိုင်းမှတိုက်ပွဲများကြောင့် မြန်မာ့အရေးသည် နိုင်ငံတကာ၏ အာရုံစိုက်မှုကို ပြန်လည် ရရှိခဲ့သည်။ မြန်မာ့ပြည်တွင်းရေးပြဿနာသည် တစ်နေ့တခြားဆိုးဝါးလာနေပြီး စစ်ပွဲ၏ ဆိုးကျိုးများသည် ပြည်တွင်းတွင်သာမက မြန်မာပြည်နှင့် ထိစပ်နေသော အိမ်နီးချင်းနိုင်ငံတိုင်းသို့ ပြန့်ပွားကူးစက်နေသည်။ တရုတ်နိုင်ငံအနေနှင့် (၁၀၂၇) စစ်ရေးဂယက်ကြောင့် မြန်မာ့ပြည်တွင်းရေး ကြားဝင်လာသကဲ့သို့  ထိုင်းနိုင်ငံကလည်း မြန်မာပြည်မှ နယ်စပ်ဖြတ်ကျော် ဝင်ရောက်လာသည့် စစ်ဘေးဒုက္ခသည်များအရေးနှင့်  မူးယစ်ဆေးဂိုဏ်း ပြဿနာများကြောင့် မြန်မာ့ပြည်တွင်းရေးကို အဖြေရှာရန် စိတ်အားထက်သန်နေပါသည်။