မွန်ပြည်မြောက်ပိုင်းနှင့် တောင်ပိုင်း တိုက်ပွဲနှိုင်းယှဉ်ချက်
Posted inငြိမ်းချမ်းရေးနှင့် ပဋိပက္ခဆိုင်ရာ အစီရင်ခံစာ အပတ်စဉ်သုံးသပ်ချက်များ

မွန်ပြည်မြောက်ပိုင်းနှင့် တောင်ပိုင်း တိုက်ပွဲနှိုင်းယှဉ်ချက်

စစ်ရေးနှင့် ငြိမ်းချမ်းရေးသုံးသပ်ချက်

နိဒါန်း

၂၀၂၆ ခုနှစ်၊ ဇန်နဝါရီလ (၁၃) ရက်နေ့မှ ဖေဖော်ဝါရီလ (၁၂) ရက်နေ့ ကာလအတွင်း မွန်ပြည်နယ်တွင် တိုက်ပွဲဖြစ်ပွါးမှု စုစုပေါင်း (၈) ကြိမ် ရှိခဲ့သည်။ မွန်ပြည်နယ်တောင်ပိုင်းရှိ ရေးမြို့နယ်တွင် (၃) ကြိမ်၊ မွန်ပြည်နယ်မြောက်ပိုင်းတွင်တည်ရှိသော ကျိုက်ထိုမြို့နယ်တွင် (၂) ကြိမ်နှင့် ဘီးလင်းမြို့နယ်တွင် (၃) ကြိမ် ဖြစ်ပွါးခဲ့သည်ကို တွေ့ရသည်။ တိုက်ပွဲဖြစ်ပွါးမှုကို လေ့လာကြည့်လျှင် အာဏာသိမ်း စစ်အုပ်စုဘက်က စစ်ကြောင်းထိုးလာခဲ့ခြင်းကြောင့် ကရင်အမျိုးသားအစည်းအရုံး (KNU) ၏ ဒူသထူးခရိုင်နှင့် ဒူးပလာယာခရိုင်တို့တွင် တိုက်ပွဲဖြစ်ပွါးခဲ့ခြင်းဖြစ်သည်။