ဘုရားသုံးဆူမြို့ကို KNU က ထိန်းချုပ်လိုက်ပြီလား

စစ်ကောင်စီအနေဖြင့် အဂတိလိုက်စားသည့် ထိပ်သီး စစ်ဗိုလ်ချုပ်ကြီးတစ်ဦးနှင့် အရာရှိ အချို့တို့အပေါ် အရေးယူပြနေခြင်းက အမှန်တကယ် အဂတိတိုက်ဖျက်ရေး လုပ်နေသလား သို့တည်းမဟုတ် ၎င်တို့ အချင်းချင်းကြား ဝေစုမတည့်၍ စားမာန်ခုပ်ပွဲကြီး ပြုလုပ်နေသလား။ စစ်ကောင်စီသည် မြန်မာပြည် တောင်ပိုင်းဒေသများကို ပြည်လည်စိုးမိုးရန် အားယူနေချိန် မြို့နယ်အချို့ကို လက်လွှတ်ရမည့် အနေအထား ဖြစ်ပေါ်နေသည်။ စက်တင်ဘာလ (၂၀) ရက်တွင် “ထိုင်း-မြန်မာနယ်စပ် ဘုရားသုံးဆူမြို့ကို (KNU) က ထိန်းချုပ်ထားနိုင်ပြီ” ဖြစ်ကြောင်း Karen Information Center – KIC သတင်းဌာနက ဖော်ပြခဲ့သည်။ ဘုရားသုံးဆူမြို့ကို (KNU) က မည်သည့်အချိန်အထိ ထိန်းချုပ်နိုင်မည်ကို မပြောနိုင်သော်လည်း ဘုရားသုံးဆူမြို့ရှိ ဒေသခံများ ကိုယ်တိုင်က (KNU) ၏ အုပ်ချုပ်ရေးဝန်ဆောင်မှုကို လိုလိုလားလား လက်ခံနေသည့်သဘော ရှိသည်။ တိုင်းရင်းသားလက်နက်ကိုင်/ တော်လှန်ရေးအဖွဲ့အစည်း (EAOs/EROs) များသည်လည်း (NCA) နှင့်ပတ်သက်၍ အမြင်ကွဲလွဲလျက် ရှိကြသည်။ အကြောင်းမှာ (NCA) သည် (၂၀၀၈) ဖွဲ့စည်းပုံအခြေခံဥပဒေအရ အာဏာတည်သော စာချုပ်ဖြစ်ပြီး (၂၀၀၈) ခြေဥကို ကျော်လွန်ကာ စစ်တပ်က အာဏာသိမ်းလိုက်ခြင်းကြောင့် ဖြစ်သည်။ သို့သော်လည်း (NCA) ပျက်ပြယ်ကြောင်း မည်သည့်အဖွဲ့အစည်းကမျှ တရားဝင် စာထုတ်ပြန်ခြင်းမျိုး မတွေ့ရပေ။