မြန်မာပြည်နှင့် ပတ်သက်၍ နိုင်ငံတကာ၏ တုံ့ပြန်မှုများကို RICE သုတေသနအဖွဲ့က လေ့လာစောင့် ကြည့်လျက် ရှိပါသည်။ ယခုအောက်တိုဘာလအတွင်း ဆင်ခြင်သတိထားစရာ အကြောင်းအရာ(၃)ခုကို တင်ပြထားပါသည်။ ပထမတစ်ခုတွင် မြန်မာ့နိုင်ငံရေးထဲ တရုတ်၏ ဝင်ရောက်စွက်ဖက်မှုများလာသည့် အကြောင်းကို ကနဦးဖတ်ရှုရမည်။ ထို့နောက် မထူးခြားသော အာဆီယံဆွေးနွေးပွဲနှင့် ထိုင်းနိုင်ငံ၏ ပြောဆိုမှုများကိုလည်း ရေးသာထားသည်။
ရုပ်သံကြည့်ရှုရန် >>>
မြန်မာနိုင်ငံတွင် ဒီမိုကရေစီအသွင်ကူးပြောင်းရေးနှင့်အတူ ဖက်ဒရယ်အသံလည်း ဆူညံနေသည်။ ယခုတပတ်တွင် “ပြည်နယ်အားကောင်းရေးမှ ပြည်ထောင်စုအားကောင်းရေး (Bottom-up Federalism) ချဉ်းကပ်မှုဖြင့် EROs (၃) ဖွဲ့၊ ပြည်နယ်/လူမျိုး ကိုယ်စားပြုကောင်စီ (၅) ခုနှင့် အမျိုးသမီးများအဖွဲ့ချုပ် (WLB) တို့အကြား ဖက်ဒရယ်ဘုံသဘောထားတူညီချက်များ ရရှိထားသည့်အကြောင်းကို ကနဦးပြောပြထားသည်။ လက်ရှိဖက်ဒရယ်အရေးနှင့် ပတ်သက်၍ ကရင်နီပြည်ကို စံပြုစရာနမူနာကောင်း ဖြစ်သည့်အကြောင်း ပါဝင်ပြီး ကရင်နီကဲ့သို့ မွန်ပြည်ဖက်ဒရယ်ယူနစ်တရပ် ဖြစ်ထွန်းပေါ်ပေါက်လာရန် မွန်ရဟန်းရှင်ပြည်သူအပေါင်းတို့ တော်လှန်ရေးအင်အားစုတို့နှင့်အတူ ပူးပေါင်းပါဝင်ရမည့်အကြောင်း ရေးသားထားသည်။
ရုပ်သံကြည့်ရှုရန် >>>
၂၀၂၅ အတွင်း ရွေးကောက်ပွဲပြုလုပ်ရန် စီစဉ်ထားသော စစ်ကောင်စီက သန်းခေါင်စာရင်းကောက် ယူခြင်းလုပ်ငန်းကို ပြုလုပ်နေပါသည်။ စကစ၏ အကြံတစ်ခုဖြစ်သော နိုင်ငံရေးထွက်ပေါက် ရရှိရေးအတွက် ၎င်းတို့ကိုယ်တိုင် အကြမ်းဖက်အဖွဲ့အဖြစ် ကြေညာထားသော တော်လှန်ရေးအဖွဲ့အစည်းများကို နိုင်ငံရေးအရ တွေ့ဆုံဖြေရှင်းရန် ထူးထူးခြားခြား စတင်ကမ်းလှမ်းလာသည်။ ဤအခြေအနေနှင့် ပတ်သက်၍ မွန်ပြည်ရှိ စစ်ရေး/နိုင်ငံရေးအဖွဲ့အစည်းတို့က မည်သို့မည်ပုံ တုံ့ပြန်ထားပါသနည်း။ အဆိုပါတုံ့ပြန်ချက်များနှင့်အတူ မွန်နိုင်ငံရေးသုံးသပ်ချက်အချို့ကို ဤစာတမ်းတွင် ဖတ်ရှုရပေမည်။
ရုပ်သံကြည့်ရှုရန် >>>
မြန်မာနိုင်ငံနှင့်ပတ်သက်သည့် နိုင်ငံတကာ၏ တုံ့ပြန်ဆောင်ရွက်မှုများကို ရာမညအင်စတီကျု နိုင်ငံရေး သုတေသနဌာနက လေ့လာစောင့်ကြည့်လျက်ရှိရာ စက်တင်ဘာ (၁)နေ့မှ (၂၀) ရက်နေ့အထိ ရေဘေးကိစ္စရပ်အပါအဝင် နိုင်ငံရေး၊ စစ်ရေးစသည့် မြန်မာနိုင်ငံ၏ ကိစ္စရပ်များ၊ အထူးသဖြင့် တရုတ်နိုင်ငံ၏ မြန်မာ့အရေးအတွင်း ပါဝင်ပတ်သက်မှုနှင့် နိုင်ငံတကာတို့၏ ဆက်စပ်ပုံတို့ကို ရေးသားတင်ပြထားပါသည်။
RICE, September Week-4ရာမညအင်စတီကျူနိုင်ငံရေးသုတေသနဌာန၏ ယ္ခုစက်တင်ဘာလ ဒုတိယသတ္တပတ်၏ စစ်ရေးဆိုင်ရာ သုံးသပ်ချက်တွင် စစ်အာဏာသိမ်းမှုနောက်ပိုင်း လက်လွှတ်ခဲ့ရသည့် လွှတ်ရှမ်းစခန်းကို ကရင်အမျိုးသား အစည်းအရုံး (KNU) က တဖန်ပြန်လည်သိမ်းပိုက်နိုင်ခဲ့သည့်အကြောင်းကို ကနဦးတင်ပြထားသည်။ ထို့နောက် မွန်ပြည်တွင်း တိုက်ပွဲအခြေအနေနှင့် လာမည့် ပွင့်လင်းရာသီ အချိန်အခါ၌ မွန်ပြည်သူများ စစ်ရေးအသိ ထားရှိပြီး သတိထားနိုးကြားနေစေရန် သတင်းစကားပါးထားသည့် အကြောင်းတို့ကို လေ့လာဖတ်ရှုရမည် ဖြစ်ပါသည်။
ရုပ်သံကြည့်ရှုရန် >>>
ဗြိတိသျှကိုလိုနီ နယ်ချဲ့အင်္ဂလိပ်လက်အောက်မှ မြန်မာနိုင်ငံအနေဖြင့် လွတ်လပ်ရေးရရှိခဲ့သော်လည်း ဗမာလက်အောက်မှ မလွတ်မြောက်သေးသော မွန်လူမျိုးတို့က ခေတ်သစ်မွန်တော်လှန်ရေး စတင်ခဲ့သည်မှာ (၇၇) နှစ်မြောက် ရှိခဲ့ပြီဖြစ်သည်။ မွန်တို့၏ လက်နက်ကိုင်တော်လှန်ရေး အတက်အကျရှိခဲ့ပြီး နှစ်တိုင်းအစဉ်အလာမပျက် တော်လှန်ရေးအခမ်းအနား ပြုလုပ်လျက်ရှိရာ ယခုနှစ်အတွင်း ထူးခြားပြီး သတိပြုစရာ ထုတ်ပြန်ကြေညာချက်များ၊ မွန်တော်လှန်ရေးအပေါ် ဝေဖန်ဆန်းစစ်ချက်နှင့် မွန်ပြည်သူ့ညီလာခံမှ မွန်ပြည်တည်ဆောက်ရေး မဟာဗျူဟာ ရေးဆွဲရန် လိုအပ်သည့် အကြောင်းကို ရေးသားထားသည်။
ရုပ်သံကြည့်ရှုရန် >>>
မြန်မာနိုင်ငံနှင့်ပတ်သက်သည့် နိုင်ငံတကာ၏ တုံ့ပြန်ဆောင်ရွက်မှုများကို ရာမညအင်စတီကျုနိုင်ငံရေး သုတေသနဌာနက လေ့လာစောင့်ကြည့်လျက်ရှိရာ ဩဂုတ်လ(၁)နေ့မှ (၂၂) ရက်နေ့အထိ အာဆီယံအပါအဝင် ထိုင်း၊ ကမ္ဘောဒီးယား၊ အရှေ့တီမောစသည့် ကမ္ဘာ့နိုင်ငံအသီးသီးကလည်း မြန်မာ့အရေးနှင့် ပတ်သက်၍ ပြောဆိုမှုများရှိနေပါသည်။ ယင်းအပြင် ၁၀၂၇ စစ်ဆင်ရေးစတင်ပြီးသည့်နောက်ပိုင်း တရုတ်နိုင်ငံ၏ အရေးတကြီး တုံ့ပြန်လာတာကိုလည်း တွေ့မြင်ရပေမည်။ ထို့အပြင် တရုတ်နိုင်ငံခြားရေးဝန်ကြီး ဝမ်းယိပြောသည့် စည်း(၃)စည်း အကြောင်းကိုလည်း ရေးသားတင်ပြထားပါသည်။
August Week-4 Peace Aရုပ်သံကြည့်ရှုရန် >>>
၁၀၂၇ စစ်ဆင်ရေးအလွန်၊ အရှေ့မြောက်တိုင်း စစ်ဌာနချုပ်ကျပြီး ရှမ်းမြောက်ဒေသတွင် ပြောင်းလဲဖြစ်ပေါ်လာသော အုပ်ချုပ်သူအသစ်နှင့် ပတ်သက်ပြီး ကနေဒါနိုင်ငံ၊ တိုရန်တိုမြို့ ယော့ခ်တက္ကသိုလ် အာရှသုတေသနဌာနက သုတေသီ ကိုထက်မင်းလွင်၏ အုပ်ချုပ်ရေးဆိုင်ရာ သုံးသပ်ချက်ကို ယခုတပတ်သုံးသပ်ချက်တွင် ကနဦးတင်ပြထားသည်။ ထို့နောက် လားရှိုးမြို့ကို MNDAA က ၎င်းတို့၏ အထူးဒေသ(၁)အတွင်း နယ်မြေချဲ့ထွင်ပြီး အုပ်ချုပ်လိုက်သည့်အကြောင်းနှင့် နောက်ဆုံးတွင် ရမခကျဆုံးခြင်းနှင့် မြန်မာစစ်တပ်လားရာ မည်သို့ ဦးတည်နေသည်ကို တွေးမြင်မှန်းဆနိုင်အောင် ရေးသားထားသည်။
ရုပ်သံကြည့်ရှုရန် >>>
အာဏာသိမ်းကာလ (၄၂) လ ပြည့်မြောက်လာချိန် မြန်မာနိုင်ငံမြောက်ပိုင်းတွင် အရှုံးနှင့် ရင်ဆိုင်လာရပြီးနောက် နိုင်ငံ၏ တောင်ပိုင်းတွင် တပ်အင်အားဖြည့်ကာ အခိုင်အမာပြုလုပ်လာပါသည်။ ထိုသို့အင်အားဖြည့်သည့်ထဲ “မှန်းချက်နှင့် နှမ်းထွက်” လွဲခဲ့ရသည့် စစ်ကောင်စီ ဒုဥက္ကဌ ဒုတိယဗိုလ်ချုပ်မှူးကြီး စိုးဝင်းကိုယ်တိုင် ကွပ်ကဲသော နိုင်ငံတော်အဆင့် အောင်ဇေယျစစ်ကြောင်းလည်း ပါဝင်လာခဲ့ပြီး အမှတ် (၈) ပြည်ထောင်စုလမ်းမကြီးကို ပြန်လည်စိုးမိုးရေး ကြိုးပမ်းလာခဲ့ပါသည်။ ထို့ကြောင့် ထိတွေ့တိုက်ပွဲများလည်း ဖြစ်ပွါးခဲ့သကဲ့သို့ နောက်ထပ်ဖြစ်နိုင်ချေလည်း ရှိနေပါသည်။ သို့ဖြစ်ပါ၍ သံဖြူဇရပ်-ရေးဒေသမှ မွန်ကရင်လူထုများ စစ်ရေးအသိ စစ်ရေးသတိ ထားရှိကြရန် လိုအပ်မည့်အကြောင်းကို ရေးသားထားသည်
ရုပ်သံကြည့်ရှုရန် >>>
” မြန်မာနိုင်ငံနေရာအချို့တွင် မိုးများပြီး ရေကြီးနစ်မြုပ်မှုကြောင့် ဒေသခံပြည်သူများ နေထိုင်စားသောက်ရေး စိုးရိမ်နေရသလို ဗိုလ်ချုပ်မှူးကြီး မင်းအောင်လှိုင်ကလည်း ၎င်း၏အာဏာစက် တည်တံ့ခိုင်မြဲရေးအတွက် စိုးရိမ်နေပုံ ရသည်။ ယာယီသမ္မတနေရာကို မရရအောင် အတင်းလုယူလိုက်သလို စစ်ကောင်စီသက်တမ်းကိုလည်း မိမိသဘော စိတ်ကြိုက် တိုးမြှင့်နေတော့သည်။ သက်တမ်းတိုးပြီး လားရှိုးကျသလို မိန့်ခွန်းပြောပြီး ကျောက်မဲ ပါသွားပြန်သည်။ တိုင်းပြည်စီးပွားရေးအတွက် သမဝါယမစနစ် ကျင်းသုံးမည့် စစ်သေနာပတိချုပ် ဗိုလ်ချုပ်မှူးကြီး မင်းအောင်လှိုင်၏ စစ်ရှုံးသည့်အကြောင်းကို ယခုစာတမ်းတွင် ဖတ်ရှုရပေမည်။”
ရုပ်သံကြည့်ရှုရန် >>>